പുറത്തു കോച്ഛുന്ന തണുപ്പ്,കട്ടിലില് നിന്ന് എഴുന്നേല്ക്കാന് മടി തോന്നി.രാത്രി വളരെ വൈകി ആണു ഉറങ്ങാന് കിടന്നത്.റൂമില് മുഴുവന് പുസ്തകങ്ങള്.ധനശാസ്ത്രത്തില് പി.ച്ച്.ഡി എടുക്കുവാനുള്ള പുറപ്പാടിലാണ് ശ്രുതി .
അമേരിക്കയില് ജനിച്ചു വളര്ന്ന മറുനാടന് മലയാളി.
ശ്രുതീ...അമ്മയുടെ നീട്ടിയുള്ള വിളി,അമ്മയ്ക്കിപ്പോഴും വിചാരം ഞാനിപ്പോഴും ചേര്പ്പുളശ്ശേരിയില് ആണെന്നാ..ഇനി എഴുന്നേറ്റില്ലങ്കില് അതിനു ശകാരം കേള്ക്കണം.
യേസ്.....ചൂടുചായയുമായി അമ്മ മുന്നില്.ചായ വാങ്ങി മൊത്തി കുടിച്ച് ജനലിലൂടെ പുറത്തേക്കു നോക്കി.മഞ്ഞു മൂടി കിടക്കുന്ന വഴിത്താരകള്.ഒരു ചിത്രകാരന്റെ ഭാവന പോലെ നില്ക്കുന്നു.സിറ്റിംഗ് റൂമിലെ ടി.വിയില് നിന്നു മലയാളം കേള്ക്കുന്നു..അച്ഛനാകണം.മലയാളം ഇപ്പോഴും നെഞ്ചിലേറ്റി നടക്കുന്ന സാധാ നാട്ടിന് പുറത്തുകാരന്.
ഗുഡ് മോര്ണിംഗ് ഡാഡ്....ഗുഡ് മോര്ണിംഗ്.എന്താ നല്ല സന്തോഷത്തിലാണല്ലോ?യേസ് ഞാന് സന്തോഷവാനാണ്.ചോദ്യ ഭാവത്തില് ഞാന് നോക്കി.
പാലക്കാട്ടുകാരന് ഒരു പയ്യന്റെ സിനിമ ഏഷ്യാ അമേരിക്കന് ഫിലിം ഫെസ്റ്റ്വലില് പ്രദര്ശിപ്പിക്കുന്നുണ്ട്.
കാണാന് പോകണം. ഡാഡ്...ഇറ്റ്സ് ആര്ട്ട് മൂവി...നമുക്കു ദഹിക്കുമോ?
പാലക്കാട് എന്നു കേട്ടപ്പോള് ആദ്യം ഓര്മയില് ഓടിവന്നത് ,അച്ച്ഛന്റെ തറവാടും വിക്ടോറിയ കോളേജും ആണ്.
ശ്രുതീ ......മഴ വീണയുടെ വിളി കേള്ക്കുന്നു.അമ്മാവന്റെ മകള് ആണ്.സമപ്രായം ,കേരളം അവളിലൂടെയാണു കണ്ടത് എന്നു പറഞ്ഞാല് അതിശയോക്തി ഇല്ല.
ബാല്യത്തില് കേരളം എന്നും അത്ഭുതങ്ങളുടെ നാടായിരുന്നു.പാറ്റയെയും ഗൗളിയെയും കണ്ടാല് പേടിച്ചു അമ്മയുടെ സാരിയുടെ കീഴില് ഒളിച്ചിരിക്കും.
പാമ്പിനെ കാണാന് ആയിരുന്നു ഇഷ്ടം പേടിയേ ഇല്ല.വീണയുമൊത്ത് മഴയില് കളിക്കാനായിരുന്നു കൂടുതല് ഇഷ്ടം.ഒരിക്കല് ഒരു കുട്ടിയെ കണ്ടുമുട്ടി.കറുത്ത കുട്ടി ഞാനാദ്യമായായിരുന്നു ഒരു കറുത്ത കുട്ടിയെ കാണുന്നത്.വെളുമ്പന്മാരുടെ നാട്ടില് നിന്നാണല്ലോ എന്റെ വരവ്...അവന്റെ സൗഹ്രിദം ഞാന് കൂടുതല് ഇഷ്ടപ്പെടാന് തുടങ്ങി.മണ്ണപ്പം ഉണ്ടാക്കാന് പുന്നയില വച്ചു കറി
ഉണ്ടാക്കാന് അവന് എന്നെ പഠിപ്പിച്ചു.എന്റെ ഹീറോ ആയി അവന്.ഒരിക്കല് നീര്ക്കോലിയെ തല്ലി കൊന്നു കയറില് കെട്ടി തന്നു...അപ്പോള് അവന് എന്റെ മനസ്സില് അര്നോള്ഡ് ഷുവാസ്നേഗര് ആയി വളര്ന്നു വന്നു.
കുട്ടിക്കാലത്തെ എന്റെ ഏറ്റവും വലിയ ആഗ്രഹം അവനെ കല്ല്യാണം കഴിക്കണം എന്നായിരുന്നു.
ബാല്യത്തിന്റെ ഓരോ ചാപല്യങ്ങളെ..
രണ്ടുമാസത്തെ വെക്കേഷന് അതാണു ഞാനും കേരളവുമായുള്ള ബന്ധം മടക്കയാത്രയില് എന്റെ അത്ഭുതങ്ങള് അവസാനിക്കുന്നു....
എന്താ മോളെ രാവിലെ ഒരാലോചന...മുടിയിഴയില് തലോടി അച്ഛന്.സദാസമയവും പുസ്തകത്തിന്റെ ഇടയില് ആയതുകൊണ്ടാ നീ ഒന്നു പുറത്തിറങ്ങി നടക്ക്..ഒന്നു ഫ്രഷ് ആകും.
അമേരിക്കയിലെ പ്രശസ്തമായ് ഫൈനാന്സ് മാഗസിനായ സ്മാര്ട്ട് മണി എടുത്ത് മറിച്ചു നോക്കി.അറിയാതെ മനസ്സ് പാലക്കാട്ടേക്കു പോകുന്നു.ബിസിനസ്സിന്റെ ഏറ്റക്കുറിച്ചല് ആണച്ഛനെ
ഇങ്ങനെയൊരു തീരുമാനം എടുക്കാന് പ്രേരിപ്പിച്ചത്,ശ്രുതി ഡിഗ്രി നാട്ടില് ചെയ്യട്ടെ അമ്മയ്ക്കും മറിച്ച് ഒരു അഭിപ്രായമില്ലായിരുന്നു.പെട്ടന്നുള്ള പറിച്ചു നടല് എനിക്കു താരതമ്യം ചെയ്യാന്
ബുദ്ദിമുട്ടായിരുന്നു,പിന്നെ വീണ ഉള്ളതു മാത്രമായിരുന്നു എനിക്കു സമാധാനം.പെട്ടന്നു മൊബൈല് റിംഗ് ചെയ്തു.എന്റെ പ്രീയ കൂട്ടുകാരി ക്രിസ്റ്റീന ഒരു സിനിമാഭ്രാന്തി എന്നെങ്കിലും
തന്റേതായ ഒരു സിനിമ ഹോളിവുഡില് ഉണ്ടാക്കണം എന്നാഗ്രഹം ഉള്ളില് കൊണ്ടു നടക്കുന്നവള്.ഏഷ്യാ അമേരിക്ക ഫിലിം ഫെസ്റ്റിവലില് നീയും വരണം ഒരു ഇന്ത്യന് ചിത്രം സ്പെഷ്യലി കേരള ചിത്രം നല്ല അഭിപ്രായം ആണ്.
നീയും കൂടെ ഉണ്ടെങ്കില് എനിക്ക് ഒരു ഹെല്പാണ്.അവളുടെ നിര്ബന്ധത്തിനു വഴങ്ങി ഫെസ്റ്റിവലില് എത്തി.
സിനിമയുടെ ബ്രോഷറില് സംവിധായകനെക്കുറിച്ചും സിനിമയെക്കുറിച്ചും ആധികാരികമായി പറഞ്ഞിട്ടുണ്ടായിരുന്നു.ക്യാമ്പസ് മധുരസ്മരണയിലൂടെ ചിത്രം തുടങ്ങി.....
മഴയുടെ സാന്ദ്രതാളത്തില് വിക്ടോറിയ കോളേജ് പുനര്ജനിച്ചു സിനിമയിലും,ശ്രുതിയുടെ മനസ്സിലും....
വിക്ടോറിയ കോളേജിന്റെ കവാടം എസ്.ഫ്.ഐയുടേയും,കെ.എസ്.യു വിന്റെ ഒക്കെ ബാനറുകള് കെട്ടിയിരിക്കുന്നു.കുട്ടികള് നടന്നു വരികയാണ്....ഹേയ്...ഇംപോര്ട്ട് മല്ലൂ...
നീട്ടിയ വിളിയില് അവള് തിരിഞ്ഞു നോക്കി...സീനിയേര്സിന്റെ റാഗിംഗിന്റെ തുടക്കം,മീനു എന്ന മീനാക്ഷി ആണ് അവരുടെ നേതാവ് പിന്നെക്കുറെ ചെക്കന്മാരും അവള് പറയുന്നത് മാത്രമേ ചെക്കന്മാര് കേള്ക്കൂ.
നീയാണല്ലേ കോളേജിലെ ഇമ്പോര്ട്ട് മല്ലു.നീ അങ്ങ് സുന്ദരി ആണല്ലോ?മദാമ്മേ നിന്റെ സൈസ് എത്രയാ...?
മിഴിച്ചു നിന്ന എന്നോട് നിന്റെ ബ്രായുടെ??? അവള് ചോദ്യം പൂരിപ്പിച്ചു.
അവളുടെ മസ്തിഷ്കം ചൂടുപിടിക്കുകയായിരുന്നു.നിനക്ക് അറിയണമോ എന്റെ സൈസ്? നാളെവാ ഞാന് കാണിച്ചു തരാം...അവളുടെ ഉത്തരത്തിനു മുന്നില് അവര് പതറി.പിറ്റേന്ന് കോളേജിന്റെ മുന്നിലെ ഇടവഴിയില് വച്ച് മീനു
തടുത്തു നിര്ത്തി,കൂടെ മെല്ലിച്ച ഒരു ചെറുപ്പക്കാരനും ഒകെ ഞാന് കാണിക്കാം പക്ഷെ ഞാന് കാണിച്ചാല് നീയും കാണിക്കണം നിന്റെ സൈസ്...എന്റെ ആവശ്യത്തിനു മുന്നില് അവള് ഒന്നു പതറി..
.വഴിയില് ഉണ്ടായിരുന്ന കുട്ടികള് ഒക്കെ ഞങ്ങള്ക്കു മുന്നില് കൂടി എന്താ നടക്കുന്നത് എന്ന് സാകൂതം വീക്ഷിച്ചു.ശ്രുതി ചുരിദാറിന്റെ ടോപ്പ് പൊക്കി എല്ലാവരെയും അത്ഭുതപ്പെടുത്തി ഫുള്കൈ ടീഷര്ട്ടിനു പൂറത്ത് ബ്രാ.....മീനുവിന്റെ കണ്ണില് നിന്നു കണ്ണീര് പൊടിയാന് തുടങ്ങി.ഇനി നിന്റെ ഓഴം എന്റെ വാക്കുകള് അവളെ കരച്ചിലിന്റെ മൂര്ദ്ദന്യത്തില് എത്തിച്ചു .മീനുവിന്റെ ഏങ്ങലടിയില് അവള്ക്കും വിഷമ്മം തോന്നി.....മീനു നീ ഇവിടെമാത്രമേ കണ്ടിട്ടുള്ളൂ ഞാനേ....
ഇമ്പോര്ട്ടാ...നിന്നെക്കാട്ടില് വലിയ ചട്ടമ്പികളെ കണ്ടിട്ടാ വരുന്നത്.കോളേജില് പെട്ടന്ന് അവള് പ്രസിദ്ദിയായി ...
അങ്ങനെയാണ് അവനെ പരിചയപ്പെടുന്നത്.ലൈബ്രറിയുടെ നീണ്ട ഇടനാഴിയില് വച്ച് പ്രശാന്ത്,സൗമ്യന്,മികച്ച ഗസല് ഗായകന്,ഹാര്മോണ്യം വായിക്കുന്നവന്,പ്രാസംഗികന് കോളേജിലെ എല്ലാവരുടെയും കണ്ണീലുണ്ണി...
പെട്ടന്നു തന്നെ ഞങ്ങള് അടുത്തു അഭേദ്യമായ സൗഹ്രിദം.അതിന്റെ അതിര് വരമ്പുകള് ഞങ്ങള്ക്ക് അറിയാമായിരുന്നു.....
ചിത്രം മനോഹരമായ കലാലയ ജീവിതത്തിന്റെ മുഹൂര്ത്തങ്ങള് ഒപ്പിയെടുത്ത് മുന്നോട്ടുതന്നെ ...പറയാതെപോകുന്ന ഒരു പ്രണയം സിനിമയുടെ എല്ലാ ഫ്രയിമുകളിലും നിറഞ്ഞു നിന്നു.
ക്ലൈമാക്സിലേക്ക് ചിത്രം നീങ്ങുകയായിരുന്നു....പ്രശാന്ത് വിഷണ്ണനായി നില്ക്കുന്നതു കണ്ടു കൊണ്ട് നായിക അവന്റെ അടുക്കല് എത്തിയിരിക്കുന്നു.എന്താ എന്തു പറ്റി?
എന്റെ കൂടെ ഫെസ്റ്റിവലിനു ഡാന്സ് ചെയ്യാം എന്നു പറഞ്ഞ കുട്ടി പിന് മാറി.അവസാന നിമിഷത്തില് ഞാന് എന്താ ചെയ്യുക.എല്ലാം പബ്ലീഷ് ചെയ്തില്ലേ......
ഞാന് മതിയോ.......അതിനു നിനക്കു ഡാന്സ് അറിയാമോ?നീ പഠിപ്പിക്കില്ലേ ഇതു ഭരതനാട്യം ഒന്നും അല്ലല്ലോ?കുറവനും കുറത്തിയും ഡാന്സ് അല്ലേ....?
അവളുടെ നിര്ബന്ധത്തിനു വഴങ്ങി അവന് ഡാന്സ് പഠിപ്പിച്ചു.വേദിയില് അവര് കുറവനും കുറത്തിയുമായി ഇഴുകി ചേര്ന്നു അവസാനം അവന്റെ കരവലയത്തില് ഒന്നിച്ചപ്പോള്
കുട്ടികളില് നിന്നുണ്ടായ നീണ്ട കരഘോഷത്തില് സിനിമ അവസാനിച്ചു....
എന്റെ കഥ തന്നെ എന്നുള്ള ബോധം ശ്രുതിയെ ഗ്രിഹാതുരുത്തത്തിന്റെ മറ്റൊരു തലത്തില് എത്തിച്ചു
ഇന്ത്യന് സിനിമ ക്യാമ്പസ് മധുരസ്മരണയിലൂടെ ഒന്നാം സ്ഥാനത്ത് ,...ഞെട്ടലോടെ കണ്ടു സ്വര്ണ്ണപതക്കം വാങ്ങുന്ന സംവിധായകനെ അത് ...പ്രശാന്ത് തന്നെ ആയിരുന്നു.
മോഹങ്ങള്ക്കു വീണ്ടും ജീവന് വച്ചുവോ?അവന് മെല്ലെ അവളുടെ അടുത്തേയ്ക്കു വന്നു....
അവന് ആ സ്വര്ണ്ണ പതക്കം അവളുടെ കഴുത്തിലേക്ക് ഇട്ടു.....
അവിടെ ജീവിതത്തിന്റെ മറ്റൊരു ഫ്രെയിം ആരംഭിക്കുകയായിരുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ