2009 നവംബർ 29, ഞായറാഴ്ച
കൈയൊപ്പ്
നിശ്ശബ്ദമായ ഇടനാഴിയില് ഞാനെന്റെ ഊഴവും കാത്തിരിക്കുകയായിരുന്നു.പ്രഷുബ്ദമായ മനസ്സ് വീണികിട്ടിയ ഇടവേളയില് എന്നിലെ ചിത്രകാരനെ വീണ്ടും ചികഞ്ഞെടുത്തു.
ഒരിക്കല് വരയ്ക്കാന് ശ്രമിച്ചു പരാജയമനഞ്ഞ ചിത്രം വീണ്ടും കാന്വാസില് പകര്ത്താന് ഒരു വിഫല ശ്രമം.
ഒരിക്കല് മനസ്സില് പതിഞ്ഞ ചിത്രത്തിന്റെ കണ്ണുകല് എന്നെനോക്കൈ പരിഹസിക്കുന്നു.അധരങ്ങളില് പുച്ഛം.ഇഷ്ടപ്പെട്ട നിറങ്ങല് മാറ്റി,മാറ്റി പരീകഷിച്ചു നോക്കി.
എന്നിട്ടും മുഖത്തിന്റെ ഭാവം മാറുന്നില്ല.തീവ്രമായ ഭാവങ്ങല് എന്നെ വേട്ടയാടികൊണ്ടിരിക്കുന്നു.
മനസ്സിന്റെ ഏകാഗ്രത പോയി കൈകളില് നിന്നു വഴുതിപോയ ചായക്കൂട്ടുകള് എന്നെ നോക്കി പല്ലിളിക്കുന്നു.
എന്റെ ഊഴത്തിനൊടുവില് വിയര്പ്പിനെ കണികള് കാഴ്ച മറയ്ക്കുന്നിടയില് ഞാനാരജിസ്റ്ററില് ഒപ്പുവച്ചു.
വേര്പെടലിന്റെ നിമിഷാര്ദ്രത്തില് ഞാനാ കണ്ണുകളിലേക്ക് ഒരിക്കല്കൂടി നോക്കി.ഭാവ പകര്ച്ചയ്ക്കൊടുവില് വന്ന വിജയ ഭാവം.
എന്റെ കാന്വാസിനു കഴിയാത്തത് കൈയൊപ്പിനു സാധിച്ചു.
സാവധാനം ഞാന് കോടതിയുടെ പടികള് ഇറങ്ങി....
പുതിയ ചിത്രത്തിന്റെ പണിപുരയിലേക്ക്....
കൊല്ലം ഷിഹാബ്.
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ