രാവിലെ നേരത്തെ തന്നെ ഉണര്ന്നു.ഒരു അവധി ദിനം കൂടി,പുറത്തിപ്പോഴേ ചൂട് തുടങ്ങി.കമ്പ്യൂട്ടര് തന്നെ ശരണം.സൈബര് ലോകം അതിര് വരമ്പുകള് ഇല്ലാത്ത ലോകം
അതിലേക്കു തന്നെ ഊളിയിട്ടു.ഓര്ക്കൂട്ടിന്റെ പടിവാതിലില് വച്ചു പരിചയപ്പെട്ട ഷൈജു സാം വര്ഗ്ഗീസാണു പറഞ്ഞത് എടാ നീ കൂട്ടത്തില് ചേര്.കൂട്ടം... മലയാളികള്ക്ക് മറ്റൊരു വീട്.
ദു:ഖവും,സന്തോഷവും പങ്കു വയ്ക്കുവാനുള്ള സോഷ്യല് നെറ്റ് വര്ക്ക് സൈറ്റ്.അവന്റെ നിര്ബന്ധത്തിനു വഴങ്ങി ഞാനും കൂട്ടത്തില് ഭാഗഭാക്കായി.
ആദ്യമൊക്കെ സൗഹ്രിദത്തിന്റെ നേര്ത്ത കാറ്റിന്റെ തലോടലായിരുന്നു പിന്നീട് അത് അധികരിച്ചു സുഖമുള്ള ഒരു കാറ്റായി മാറി.ബ്ലോഗുകളും,ഡിസ്ക്കഷനും എന്റെ ജീവിതത്തില് ഒരു പുതിയ മുഖം തന്നു.എന്നോ മറന്ന എഴുത്തിനെ പുനര്ജീവിപ്പിച്ചു.ഒരു ദിനം അനില് കുമാര് സി.പിയുടെ ഒരു ബ്ലോഗ് വായിച്ചുകൊണ്ടിരിക്കുകയായിരുന്നു.
വലതു വശത്തുള്ള ലേറ്റസ്റ്റ് ആക്ടിവിറ്റീസിലൂടെ താഴേക്കു പോകുന്ന ഒരു മുഖം ശ്രദ്ദയില് പെട്ടു.
സൈനുദ്ദീന് ഖുറൈഷിയുടെ കവിതവായിച്ചു കമന്റു ചെയ്ത ഒരു പെണ്കുട്ടി.....
അപര്ണ....ആപേരില് ഞാന് ക്ലിക്ക് ചെയ്തു.
ദൈവമേ കൈ തൊഴാം കേള്ക്കുമാറാകണം,പാപിയാമെന്നെ നീ കാക്കുമാറാകണം.....
ശ്രീ നാരായണാ യു.പി.സ്കൂളിലെ ഈശ്വരപ്രാര്ത്തന പാടുന്നത് അപര്ണയും മൂന്നു കുട്ടികളും.എന്റെ കണ്ണുകള് അപര്ണയുടെ ചുണ്ടുകളില് ആയിരുന്നു,ചുണ്ടിന്റെ അറ്റത്തുള്ള
കറുത്ത മറുക് വലിയ കണ്ണുകള് എല്ലാം ഞാന് ആരാധിക്കാന് തുടങ്ങി.
സുദീപ് നീ എന്താ സ്വപ്നം കാണുകയാണോ? ടീച്ചറുടെ ശബ്ദം എന്നെ ഉണര്ത്തി.
അടുത്ത ക്ലാസുകളില് പടിക്കുന്ന കുട്ടികള് അതിലുപരി രണ്ടുക്ലാസിലെയും സമര്ഥരായ വിദ്യാര്ഥികള് എന്നെയും അപര്ണയെയും ടീച്ചറുമാരുടെ കണ്ണിലുണ്ണികളാക്കി.
എന്റെ മനസ്സില് അപര്ണ എന്തൊക്കയോ ആകുകയായിരുന്നു.പ്രണയമാണോ...?
ആറാം ക്ലാസില് പഠിക്കുന്ന കുട്ടിക്കു പ്രണയമോ..?
വായനയില് ആയിരുന്നു എന്നും താല്പര്യം ഇളയ അമ്മാവന് ഒരു ബുദ്ദിജീവി ആയിരുന്നു.വീട്ടില് എമ്പാടും പുസ്തകങ്ങള്.അമ്മാവന്റെ പ്രോത്സാഹനം അങ്ങനെ വായന നിത്യ സംഭവമായി.
മാത്രുഭൂമിയും,കലാകൗമുദിയും ആയിരുന്നു എന്റെ ഇഷ്ട് വീക്കിലികള്.അര്ഥങ്ങള് അറിയാത്തത് അമ്മാവന് പറഞ്ഞു തരും.കലാകൗമുദിയിലെ ഒരു ചെറുകഥയാണ് എന്നെ
ഒരു പ്രേമലേഖനം എഴുതാന് പ്രേരിപ്പിച്ചത്.പല പുസ്തകത്തിലെ വരികള് കൂട്ടി ചേര്ത്ത് ഞാനുമെഴുതി ഒരു പ്രേമ ലേഖനം.അവളറിയാതെ അവളുടെ ബുക്കില് ഞാനത് വച്ചു.
പിന്നീടുള്ള ദിനങ്ങളില് എന്റെ മനസ്സ് പെരുമ്പറകൊട്ടുകയായിരുന്നു.മൂന്നാമത്തെ ദിനം അവളുടെ മുഖത്ത് നാണത്താല് കുതിര്ന്ന പുഞ്ചിരി.ഞാനൊരു അപ്പൂപ്പന് താടിയായി ഉയര്ന്ന് ആയിര്ത്തൊന്നു രാവുകളിലെ അറബികഥയിലെ നായകനായി.
ഇഗ്ലീഷ് ടീച്ചറിന്റ ക്ലാസ് നടക്കുമ്പോള് ആണ് പ്യൂണ് വന്ന് എന്നെ ഓഫീസിലേക്കു വിളിപ്പിച്ചത്.
എന്തെന്നറിയാനുള്ള ആകാംക്ഷയില് ഞാന് ഓഫീസില് എത്തി.
സ്കൂളിലെ മിക്ക ടീച്ഛറുമാരുണ്ടവിടെ,ഹെഡ് മിസ്ട്രസ്സിന്റെ കൈവശം ഞാന് അപര്ണയ്ക്കു കൊടുത്ത കത്ത്.
സുദീപ് നീ എഴുതിയതാണോ ഈ കത്ത്,എന്റെ വടിവൊത്ത സുന്ദരമായ കൈ അക്ഷരം ടീച്ചര്മാര്ക്കെല്ലാം പരിചിതമാണ്.വിറയ്ക്കുന്ന ശബ്ദത്തില് ഞാന് പറഞ്ഞു അതേ.
ടീച്ചര് ഉറക്കെ ആ കത്തു വായിച്ചു,ഭൂമി വിണ്ടു കീറി ഉള്ളിലേക്കുപോയ സീതയായി മാറിയിരുന്നെങ്കില് എന്നാശിച്ചു.
വായിച്ഛിട്ടു ടീച്ചര് ഒട്ടും ഗൗരവം വിടാതെ എന്നെ അടുത്തേക്കു വിളിപ്പിച്ചു.സുദീപ് നിന്റെ എഴുത്ത് മനോഹരമായിരിക്കുന്നു,നല്ല ഭാഷ.നിന്നില് ഞാന് നല്ലൊരു സാഹിത്യകാരനെ
കാണുന്നു.ദൈവം നിന്നെ അനുഗ്രഹിക്കട്ടെ.ഒപ്പം ഒരു ഉപദേശവും ഇപ്പോള് പഠിക്കുക.
ഞാന് അപര്ണയ്ക്കു കൊടുത്ത കത്ത് എങ്ങനെ ടീച്ചറുടെ കൈവശമെത്തി അവളോടു ചോദിക്കുകതന്നെ.
അപര്ണേ...ഓയ്...നനവൂറിയ കണ്ണുകളോടെ അവള് ചോദിച്ചു എന്തേ...?ആ കത്ത് ടീച്ചറുടെ കൈവശം എന്തിനാകൊടുത്തത്?ഞാനല്ല കൊടുത്തത് വിതുമ്പുന്ന ശബ്ദത്തില് അവള്
പറഞ്ഞു എന്റെ ബുക്കില് നിന്നു എങ്ങനയോ താഴെ പോയതാ അത് കിട്ടിയത് ശോഭന ടീച്ചറുടെ മകന് ഉല്ലാസിനാ..അവനാ കൊടുത്തത്.സ്കൂളില് പെട്ടന്നു തന്നെ പ്രസിദ്ദിയായി ഞാന് കത്തെഴുതിയ വിവരം
വീട്ടില് അറിയുമോ എന്നതായിരുന്നു എന്റെ ഭയം.
അഛന്റെ ചൂരല് കണ്ടാല് തന്നെ ഭയമാകും പിന്നെ തല്ലിന്റെ കാര്യം പറയണോ?
എന്റെ അമ്മാവന്റെ മകള് എന്നോടൊപ്പമാണ് പഠിക്കുന്നത് ,സ്കൂളില് എന്നെ സംബന്ധിച്ച എന്തു കാര്യവും അമ്മയോടു പറഞ്ഞാലേ അവള്ക്കു സമാധാനം ആകൂ.നാലുമണിക്കു ബെല് അടിച്ചു.
എന്റെ കാലുകള്ക്ക് ബലക്കുറവ് നടന്നിട്ടും നടന്നിട്ടും വീട് എത്തുന്നില്ല ഓര്മയില് അഛന്റെ ചൂരല് വടി ..
അമ്മ പൂമുഖവാതിലില് തന്നെയുണ്ടായിരുന്നു.അമ്മയുടെ മുഖത്ത് ഒരു കുസ്രുതി ഓടികളിക്കുന്നുവോ..
കൈകാല് കഴുകി അമ്മ കാപ്പി എടുത്ത് വച്ചു..മോനെ......?എന്താ അമ്മേ ഞാന് അമ്മയെ നോക്കി.
നിനക്കിപ്പോഴേ കല്ല്യാണം വേണമോ?ആ ചോദ്യം എന്നെ വല്ലാതെ വിഷമിപ്പിച്ചു.
അമ്മേ ഒരു പൊട്ടികരച്ചിലില് അമ്മയുടെ ദേഹത്തേക്കു വീണു.അമ്മയുടെ കൈകള് സാവധാനം എന്റെ മുടിയിഴകളിലൂടെ തലോടി.സ്നേഹത്തിന്റെ സുരക്ഷയുടെ വലയത്തില് ഞാന് അമര്ന്നിരുന്നു.
കമ്പ്യൂട്ടറിന്റെ സ്ക്റീനില് അവളുടെ പ്രോഫൈല് തെളിഞ്ഞു വന്നു.അതിലെ വരികള് ഇങ്ങനെയായിരുന്നു.ഞാന് നടന്ന വഴിത്താരകളില് തണലു തേടി അലഞ്ഞു വന്നതോ ഈ പൂമരത്തണലില്.
ഫ്രെന്ഡ് റിക്വസ്റ്റിന്റെ മെസ്സേജില് ഇങ്ങനെ എഴുതി..ഓര്മകള് മരിക്കാതിരിക്കട്ടെ.
വര്ഷങ്ങളുടെ മാറ്റത്തില് ഓര്മയുണ്ടാകുമോ എന്നെ.പേരെങ്കിലും ഓര്ക്കാതിരിക്കുമോ?
മെയില് തുറക്കുമ്പോള് തന്നെ അപര്ണ കമന്റെഴുതിയതിന്റെ അറിയിപ്പുവന്നിരിക്കുന്നു.കൂട്ടത്തിലെ എന്റെ പ്രോഫൈലില് അവള് ഇങ്ങനെ എഴുതിയിരിക്കുന്നു.
ഓര്മകള് മരിക്കുന്നില്ല...ജീവിച്ചു തന്നെയിരിക്കും.എന്റെ മെയില് ഐ.ഡി ഇതാണ്.
മെയിലുകളില് കൂടി ഞങ്ങള് മറ്റൊരു കുട്ടിക്കാലം സ്രിഷ്ടിച്ചു.ഇപ്പോള് അവള് ഇംഗ്ലണ്ടില് പ്രൊഫസറാണ്. വിവാഹവും കഴിഞ്ഞിട്ടില്ല.
അമ്മയുടെ ചോദ്യം മനസ്സില് ഇടയ്ക്കിടെ തികട്ടി വന്നതുകൊണ്ട് മറ്റൊരു പ്രണയാഭ്യര്ത്തന നടത്തുവാനും കഴിയുന്നില്ല.
ഓഫീസിലെ തിരക്കു പിടിച്ച് ദിനത്തില് അവളുടെ ഫോണ് വരുന്നത്.
സുദീ എന്നാ നാട്ടിലേക്ക്?ഓണത്തിനു പോകും....താനോ..ഞാനും ഉണ്ടാകും അപ്പോള്.
കൂട്ടത്തിന്റെ കേരളാ മീറ്റില് വരുമോ....?എന്തിനാ..?ഓര്മയുടെ കുട്ടിക്കാലം ചികയാമല്ലോ പിന്നെ...പിന്നെ ഒന്നു കാണുകയും ആവാം.
വരാം ശബ്ദം പതറിയോ....താങ്ക്യൂ..അവളുടെ ശബ്ദം കൂടുതല് മധുരിമയുള്ളതായി മാറി.
കൂട്ടം കേരളാ മീറ്റ് ദിവസം വന്നെത്തി.പേരുകൊണ്ടു പരിചിതമായ സുഹ്രുത്തുക്കള് എല്ലാവരും വന്നു കൊണ്ടിരിക്കുന്നു.എന്റെ കണ്ണുകള് അവളെ തേടി അലയുകയായിരുന്നു.
പച്ച സാരിയുടെ തിളക്കത്തില് അവള് വന്നെത്തി,കട്ടി ഫ്രെയിമുള്ള കണ്ണാടിവച്ചതൊഴിച്ചാല് അവള്ക്കു യാതൊരു മാറ്റവും ഇല്ല.
സുദീ......വാക്കുകള് ഇടമുറിഞ്ഞപ്പോള് ഞാന് അവളോടുചോദിച്ചു നടന്ന വഴിത്താരകളില് കാണാതെപോയ തണല്തേടി എത്തിയതോ......ഈ കൂട്ടം മീറ്റില്.
എന്റെ നര്മ്മത്തില് ഞങ്ങള് രണ്ടാളും പൊട്ടിചിരിച്ചു.
പൂമരത്തണലില് എന്നോടൊപ്പം കൂടാമോ...എന്നത്തേക്കും....??
ഞാന് നീട്ടിയ കൈകളില് അവളുടെ കൈ അമര്ന്നു.
ഹാളിനകത്തുവച്ച സ്പീക്കറില് നിന്നു കൂട്ടം മീറ്റ് ആരംഭിക്കാന് പോകുന്നതിനെക്കുറിച്ചുള്ള അറിയിപ്പ് വരുന്നുണ്ടായിരുന്നു.
അപ്പോള്.....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ